Gáfnaljós

Gáfnaljós er hlaðvarp fyrir forvitið fólk. Þættirnir snúast um að fá framúrskarandi fólk í stutt spjall til að svara spurningum um málefni sem flestir kannast við en vita sáralítið um. Markmið þáttanna er að hafa umræður hnitmiðaðar og á mannamáli."Gáfnaljós" er nafnorð í hvorugkyni sem á tengingar við um 200 hugtök í íslenskri tungu, þar á meðal dómgreind, snillingur, séní og bráðskýr. Allt eru þetta eftirsóknarverðar dyggðir, og það er fagnaðarefni þegar þetta afgerandi fólk lætur gáfnaljós sitt skína.

All Episodes

Gáfnaljós

Þunglyndi

March 06, 2023 • Sveinbjörn

0:00 | 34:36

Flosi Þorgeirsson er gáfnaljós þáttarins.

Allir þekkja einhvern sem glímir við þunglyndi. Sjálfur hef ég mjög yfirborðskenndan skilning á þessum geðsjúkdómi og finn fyrir miklum vanmætti þegar nákominn einstaklingur er í þunglyndislægð, því ég hreinlega veit ekki hvernig maður getur orðið þessu fólki að liði.

Flosi er einstaklega laginn við að setja hluti í samhengi, en í þessu spjalli tókst honum að veita mér nýjan skilning á því hvað það þýðir að vera þunglyndur, hversu alvarlegt og hættulegt það getur verið og hafði mótandi áhrif á hvernig ég mun eiga samskipti við þunglyndispésana mína í framtíðinni.

Skoðanasarpur Gáfnaljóss er aðhaldsvettvangur hlustenda þáttarins á Facebook
Stef: When I'm Small með Phantogram
Umsjón: Sveinbjörn Ingi Grímsson